Thursday, October 5, 2000

പ്രവാസിയും വെറ്റിനറി ഡോക്ടറും.

5/10/2013

അത്തര്‍ പൂശിയ ഒരാള്‍ നഗരത്തിലെ വെറ്റിനറി ഡോക്ടറെ സമീപിച്ചു.
"ഡോക്ടര്‍, ഞാന്‍ ഈയിടെ ലീവിന് വന്നതാണ്, എനിക്ക് ചികിത്സ വേണം "

ഡോക്ടര്‍, ചിരിച്ചു കൊണ്ട്: " നിങ്ങള്‍ക്ക് തെറ്റിപ്പോയെന്ന് തോന്നുന്നു, നിങ്ങള്‍ക്കുള്ള രോഗത്തിന് മറ്റൊരു ഡോക്ടറുടെ അടുത്തേക്ക്‌ പോവണം, ഞാനൊരു മൃഗരോഗ വിദഗ്ധനാണ്."

രോഗി : " അതെനിക്കറിഞ്ഞു കൂടെ ഡോക്ടര്‍ ? അതുകൊണ്ടല്ലേ ഞാന്‍ ഇവിടെ തന്നെ വന്നത്. ഡോക്ടര്‍, ദയവു ചെയ്തു എന്റെ പ്രശ്നം കേള്‍ക്കണം.

ഞാന്‍ രാത്രി മുഴുവന്‍ ഒരു നായയെപ്പോലെ പിറ്റേന്നത്തെ ജോലിഭാരത്തെ കുറിച്ച് ഓര്‍ത്ത്‌ കിടക്കുന്നു...
അലാറത്തിന്റെ അലര്‍ച്ചകേട്ടു അതിരാവിലെ ഒരു കുതിരെയെപ്പോലെ ചാടിയെഴുന്നേല്‍ക്കുന്നു...
സാലറി കട്ട്‌ പേടിച്ചു ഒരു മാനിനെപ്പോലെ ജോലിക്ക് ഓടിപ്പോവുന്നു...
ഒരു കഴുതയെപ്പോലെ ദിവസം മുഴുവന്‍ പേറുന്നു...
ഫാമിലി ഇല്ലാതെ പതിനൊന്നു മാസം കാളക്കൂറ്റനെപ്പോലെ അസ്വസ്ഥനായി ഓടിനടക്കുന്നു...
ബോസുമാരെ കാണുമ്പോള്‍ ഞാനൊരു വാലാട്ടി നായയായിപ്പോവുന്നു...
സമയം കിട്ടുമ്പോള്‍ ഒരു കുരങ്ങിനെപ്പോലെ കുട്ടികളോടൊത്ത് കളിക്കുന്നു...
ഭാര്യയുടെ മുന്നിലെത്തുമ്പോള്‍ ഞാന്‍ വെറുമൊരു മുയല്‍ മാത്രമാണ് ഡോക്ടര്‍... "

എല്ലാം ശ്രദ്ധിച്ച് കേട്ട ശേഷം ഡോക്ടര്‍ ചോദിച്ചു :"ഗള്‍ഫ്കാരനാണല്ലേ?"

രോഗി : "അതെ, ഡോക്ടര്‍"

ഡോക്ടര്‍ : "എടോ, ഇത്രയും വിസ്തരിച്ചു പറയുന്നതിന് പകരം താനൊരു ഗള്‍ഫ്‌ പ്രവാസിയാണെന്ന് പറഞ്ഞാല്‍ പോരായിരുന്നോ, നീ അകത്തോട്ടു വാ, എന്നെപ്പോലെ നന്നായി നിന്നെ ചികിത്സിക്കാന്‍ വേറെ ആരുമില്ല "

ഡോക്ടര്‍ അയാള്‍ക്ക് ആടുകള്‍ക്ക്‌ കൊടുക്കുന്ന മരുന്ന് കുറിച്ച് കൊടുത്തു...
 

— feeling ഗള്‍ഫ്‌ മടുത്തു...